خبرتیا

کابل ښاروالۍ له ټولو درنو ښاریانو څخه غوښتنه کوي چې، د شهید هنګرها څلورلارې د هوايي پلونو او دایروي رمپونو د ودانیزو چارو د ترسره کېدو له امله، په دې څلورلارې کې له غیرضروري تګ راتګ څخه ډډه وکړي او له بدیلو لارو څخه ګټه واخلي.
د شهید هنګرها څلورلارې د هوايي پلونو د پروژې ودانیزې چارې په وروستیو کې پیل شوې دي او هممهاله د سیمې د پاکولو او د پروژې د پلي کېدو پر وړاندې د خنډونو د پاکولو بهیر هم دوام لري.
د ښاریانو او ښاري سکتور اړوند ادارو همکاري د زیربنایي پروژو د بریالي او پر وخت پلي کېدو په برخه کې اغېزمن رول لري.
همدا راز کابل ښاروالۍ د بدیلو لارو له لارې د ترافیکي جریان د تنظیم په برخه کې د کابل ښار د ترافیکو ریاست له دوامدارې همکارۍ څخه مننه کوي او د بدیلو لارو د ترافیکي جریان د لا ښه تنظیم په موخه له یاد ریاست د همکاریو د دوام غوښتنه کوي.
وړاندیز شوې بدیلې لارې:
د کورنیو چارو وزارت لوېدیځ لوري ته سړک
د تایمني پروژې عمومي سړک او د پنځم سړک څلورلارې
تر لب جر پورې د پروان سه سړک
د کابل ـ جلال‌اباد له سړک څخه د ډسپېچري پر لور د قصبې سړک.