د کابل ښاروال احمد ذکي سرفراز تیره پنجشنبه په ۴ د میزان د ښار ټولو ناحیو رئیسانو او وکیلانو سره د مالي او اداري مرستیال سېد الرحمن جلال او د کابل ښاروالۍ ټولنیزو او فرهنګي خدماتو مرستیال محمد فاضل شریفي په ملتیا د پلانونو ترتیب او نویو پروژو د تنظیم لپاره غونډه جوړه کړه
د کابل ښاروال د کابل ښاروالۍ د برنامو په اړه وضاحت ورکړ او ویۍ ویل:
مونږ په لږو پرمختللیو ناحیو باندې تمرکز کوو او زمونږ د ښار په کچه سیمو کې د متوازن پراختیا اصل سره سم او خپلو امکاناتو په درلودلو سره مونږ به ډېرې زیربینایي پروژې پلي کړو چې ډېرې چاپېریالي ستونزې به حل کړي.
د کابل ښاروال د هغه سرکونو یادونه وکړه چې د هغو پخول او کانکریټ اچول لومړیتوب لري د ژمي له رارسېدو مخکې باید د هغې کار بشپړ شي .
د ناحیو له وکیلانو یې نظر پوښتنه وکړه او په مختلفو ساحو کې یې د پروژو په پلي کولو کې ترې د همکارۍ غوښتنه وکړه .
په آخر کې د کابل ښاروال اړونده څانګو ته لارښوونه وکړه تر څو د ناحیو له وکیلانو سره په ګډه د هرې ناحیې ستونزو ته لومړیتوب ورکړي او د دې ادارې په برنامو کې نوې پروژې شاملې کړي.
