کابل ښاروالۍ په روان کال کې په اتمه ناحیه کې په اتم کلي کې د تپې سر د نقشبندي ساحې سړک، په دویم کلي کې د رشید ساحې سړک او همدارنګه په اتمه او شپاړسمه ناحیه کې د نهم کلي سړک چې د دغو ناحیو د نښلېدو ټکی دی، کار پيل کړی و او اوس جریان لري. د دغو سړکونو ټول اوږدوالی ۲۳۷۷ متره، سور یې مختلف دی او د اوبو ویالې هم پکې شاملې دي.
ټاکل شوې ده د دغو سړکونو کار په اساسي ډول د هبیتات دفتر په همکارۍ د ژمي تر رارسېدو پورې بشپړ او ګټې اخیستنې ته چمتو شي، چې په بشپړېدو به یې د کال په فصلونو کې د محیطي ستونزو پر حل کېدو سربېره به د کارته نو سړک د ګڼې ګوڼې په برخه کې ستونزې حل شي.
