د ولسمشرۍ ریاست عالي مقام د هدایت پر اساس د دبۍ ښار هوټل شهیدانو د وارثینو محیطي ستونزو ته د رسېدو لپاره په دې وروستیو کې د کابل ښاروالۍ له انکشافي پروګرام څخه په شپږمه ناحیه کې د میرزا عبدالقادر بېدل په ګذر کې د دوو سړکونو د جوړېدو عملي کار پيل شو. د دغو سړکونو ټول اوږدوالی ۱۱۶۴ متره دی، چې د سړک د څنډو ویالې هم پکې شاملې دي او ټاکل شوې ده چې کار یې په ۴۵ ورځو کې بشپړ او ګټې اخیستنې ته چمتو شي.
