د کابل ښاروال پوهنیار احمد ذکي سرفراز د غوره ښاري مدیریت په برخه کې د تجربو او معلوماتو د تر لاسه کولو لپاره د امریکا د متحده ایالاتو نیویارک ښار د کثافاتو د مدیریت او راټولو د مرکزونو لیدنه وکړه. نوموړي د دغه ښار د کثافاتو د راټولو د مډرنو ماشینونو او الکترونیکي وسایطو د فعالیت څرنګوالی د کابل، چې مډرن کولو او جدي اصلاحاتو ته اړتیا لری، د کثافاتو د راټولولو لپاره یوه غوره موډل وباله او اړینه يې وبلله چې په دې برخه کې اړتیا ده چې د نورو هېوادونو بریالي موډلونه مطالعه او وارزول شي، ترڅو وکولی شو د خپل هېواد له شرایطو سره یو مناسب موډل تشخیص او عملي کړو.
