کابل ښاروالي کابل ښاریانو په ځانګړې توګه د نهمې ناحیې اوسېدونکو ته د اسانتیاوو چمتو کولو په موخه د سطحي او د باراني موسمونو اوبو ته د مسیر ورکولو په موخه د اجمیر کانال جوړولو او دغهراز د نهمې ناحیې د ودانۍ او د هغې د اړوند پله د ارتباطي سړک کار پیل کړی، ترڅو د اوبو غونډېدا او په ترانسپورتي برخه کې د ګاونډیو سمیو او اړوندې ناحیې د مراجعینو ستونزې حل شي. دا سړک بنايي ساحه له مکروریان او یکتوت ساحې سره نښلوي.
د دغه سړک اوږدوالی ۵۷۰ متره او سور یې ۷ متره دی او اجمیر کانال هم له بنايي ساحې څخه د دغه سړک په امتداد په ۵۷۰ متره اوږدوالي جوړېږي. د کانال د پاتې برخې جوړېدا د کابل ښاروالۍ په راتلونکو پلانونو او پروګرامونو کې شامله ده، چې په څو پړاونو کې به یې اړه اقدام وشي.
