کابل ښاروالۍ د سطحي اوبو د مدیریت په موخه په روان کال کې په ۱۲مه ناحیه کې د امنیت پروژې په ساحه او ګاونډو غیر پلاني ساحو کې په ۱۳۱۴ متره اوږدوالي د یوې سترې ویالې د جوړولو کار پيل کړی، چې تر اوسه یې تر ٪۸۰ زیات کار مخ ته تللی دی. دغه ویاله سطحي او د باراني موسمونو اوبه د امنیت ښارګوټي کانال ته لېږدوي. د کابل ښاروالۍ د پرورګرامونو او پروژو ریاست په مکرر ډول د هغې د کار د جریان څارنه کوي، ترڅو د پروژې د چارو کیفیت له معیار سره سم وي.
