کابل ښاروالۍ څه مهال مخکې په څلورمه ناحیه کې په کلوله پشته کې د دوو نښلوونکو سړکونو، چې پر انصاري څلورلاري پای مومي، د جوړېدا او قیر اچونې کار پيل کړی و، د یوه سړک د قیر اچونې کار د هغه د ویالو او لاندیني اسکلیټ له جوړېدو وروسته بشپړ شو او پر بل یې کار روان دی. ټاکل شوې چې د ژمي موسم تر رارسېدو پورې بشپړ او د ترافیکو پر مخ پرانیستل شي. د دغو سړکونو ټول اوږدوالی ۲۹۴ متره او سور یې ۱۳ او ۱۲ متره دی، چې په اساسي او معیاري ډول یې کار پر مخ روان دی.
