د کابل ښاروالۍ د ښاري ترانسپورت د اغېزمنتیا پرورګرام روان کال د ۱۵مې او ۱۱مې ناحیې په مربوطاتو کې له خواجه بغرا درې لارې څخه تر قلعه نجرا پورې د سړک، چې په روان کال کې یې کار پيل کړی و، د دویم لاس د قیر اچونې کار یې د خواجه بغرا درې لارې له استقامته پيل کړ. دا سړک ۲.۲ کیلومتره اوږدوالی او ۴۰ متره سور لري، چې ویالې، پلې لارې او د یوه معیاري سړک نورې برخې هم پکې شاملې دي. ټاکل شوې چې د روان کال تر پایه بشپړ شي. دغه سړک خپل موقعیت ته په پام زیات اقتصادي اهمیت لري، چې پر جوړېدو یې د سړکونو د ترافیکو په برخه کې د ښاري ستونزو پر حل کېدو سربېره د اړوندو ساحو نور اصلي سړکونه هم سره نښلوي.
