د قرغې اصلي سرک نه تر کمپنۍ اصلي سرکونو د جوړولو چارې د کابل ښاروالۍ د ټرانسپورټ د ښه والي او مؤثریت د برنامې له لورې له شهید استاد ربانې د ښوونې او روزنې پوهنتون څخه تر سپین کلي او سیلو سرک ، له سپین کلي تر دیوان بیګي او شمالي دیوان بیګي چې په پنځمه ناحیه کې موقیت لري له یو بل سره وصلیږي . د دغه سرکونو اوږدوالی ۴ کیلو میتره او پراخوالی یې ۳۰ او ۴۰ متره دی چې د جوړولو او قیر کولو چارې به یې بشپړې او د ترافیکو ګټې اخیستنې ته وسپارل شي . د کابل ښاروالۍ مشرتابه هغه سرکونه چې پرې کار دوام لري، په ښه کیفیت د جوړونې تاکید کړی دی چې د ښار په سطح د ژمي له رارسېدو مخکې به د ډېرو اصلي او فرعي سرکونو د کانکریټ اچونې او قیر کولو چارې بشپړې شي.
