نن ورځ د 1398 کال د لړم په 13 مه نېټه د 15مې ناحیې 13مې ساحې د سرک جوړونې چارې د نوموړې ناحیې رئیس ښاغلي انجنیر عبدالتواب احمدي له خوا د دغې ناحیې د اوسېدونکو په شتون کې پېل شوې. دغه سرک چې د کابل ښاروالۍ د تشویقي پروژو څخه دی د هبیتات دفتر په همکارۍ د 94000 امریکایي ډالرو په لګښت چې اوږدوالی یې 610 متره دی په راروانو 6 میاشتو کې به یې چارې بشپړې شي او د دغه ځای د اوسېدونکو چې تر اوسه د ښاري خدمتونو محروم پاتې وو تر ډیره بریده به یې ستونزې حل شي.
