کابل ښاروالۍ نن د لومړۍ ناحیې په بارانه ساحه کې د یوې ټوټې دولتي ځمکې د غصب مخه ونیوه، چې یوه شخص غصب کړې وه او د چرګانو فارم یې پکې جوړ کړی و. دغهراز په غاصب پورې اړوند هغه کسان هم ونیول شول او د قانون منګولو ته وسپارل شول چې د ځمکې د بېرته راګرځولو پر مهال یې د کابل ښاروالۍ له مسوولانو سره شخړه کړې وه. د کابل ښاروالۍ ښاري او چاپېریالي خدمتونو مرستیالې ډاکټرې مهتاب عالمي چې د دغه کار څارنه کوله ويې ويل: زموږ بنسټ هڅه کوي چې غصب شوې ځمکې بېرته راوګرځوي او په ښار کې د قانون د تنفیذ په برخه کې له مجرمینو او سرغړوونکو سره جدي او قانوني چلند وکړي.
