. کابل ښار ته د تلپاتې ښکلا ورکولو لپاره د کابل ښاروالۍ کې د ښکلاجوړونې ریاست جوړ شو. د دغه ریاست لپاره د آزاد رقابت له لارې کارکوونکي په دندو وګمارل شو. دغه کارکوونکي د کابل ښاروالۍ د ټولنیزو او کلتوري چارو مرستیال ښاغلي محمد فاضل شریفي لخوا خپلو کاري دفترونو ته معرفي او په خپل کار یې پیل وکړ. د نوموړو کارکوونکو د معرفي کولو پر مهال د کابل ښاروالۍ د ټولنیزو او کلتوري چارو مرستیال د کابل ښار ښکلا او پرمختګ په اړه خبرې وکړې او زیاته یې کړه! دا چې د کابل ښاروالۍ لخوا د ښاري اسانتیاوو لپاره بېلابېلې پروژې دوام لري نو ښار ته ښکلا ورکول ورته لومړیتوب لري . همدارنګه هغه د ښکلا جوړونې له کارکوونکو څخه هیله څرکنده کړه تر څو د ښاري ښکلا نورمونو او معیارونو په طرح او تطبیق سره د ښاري ځایونو په وده کې ارزښتناک رول ولوبوي.
