په یوه ځانګړې غنډه کې چې د ولسمشر دوهم مرستیال په مشرۍ جوړه شوې وه ،پکې بحث وشو چې څنګه د عرفاني سرک بدیل نمرې توزیع کړي . 16

د ولسمشر دوهم مرستیال سرور دانش په مشرۍ په یوه ځانګړې غونډه کې چې د ښار جوړونې وزیر ، کابل ښاروال ، د کابل ښاروالۍ 13مې او 6مې ناحیې رئیسانو، د کابل استناف محکمې رئیس ، د قضایای دولت رئیس او دفاع وزارت ساختماني رئیس پکې ګډون کړی و، بحث یې وکړ چې څنګه دعرفاني سرک بدیل نمرې توضیع کړي . دغه غونډه چې د شنبې په ورځ بعد له ماسپښین نه د جمهور رئیس دوهم مرستیال په دفتر کې جوړه شوې وه په لمړي سر کې د کابل ښاروال ښاغلي احمد ذکي سرفراز د عرفاني سرک د جوړولو په اړه راپور ورکړ او دعرفاني ښارګوټي له اوسېدونکو یې مننه وکړه. وروسته اړونده ارګانونو د کابل دارالامان سردار محمد داؤد خان ښارګوټي کې د عرفاني سرک دپراختیا لپاره د بدیل نمرو ویش په اړه خپل راپورونه وړاندې کړل او ټولو ادارو په خصوصي توګه د استناف محمکمې او قضایای دولت رئیسانو ټینګار وکړ چې د سردار محمد داؤد خان ښارګوټی د دولت ملکیت دی او هیڅ ډول حقوقي او قانوني ستونزه نه لري . د نن ورځې راپورونو ته په کتنې سره پرېکړه وشوه چې د ښار جوړونې وزارت ، کابل ښاروالۍ او د کابل ولایتي ادارې د همغږۍ ناسته به سبا یکشنبه تر سره شي تر څو په دې ښارګوټي کې د عرفاني سرک لپاره د کار، بدیل نمرې وویشي