د چاپېریال نورمونو او معیارونو پوره کولو او د کابل ښاروالۍ لخوا د ښارهوا د ککړتیا مخنیوي په موخه د ګل بهار ټاور ښارګوټي چې د 16مې ناحیې په محمود خان پل کې شتون لري ، د مرکزګرمي له سیسټم څخه څارنه وشوه . دغه ښارګوټی 19 بلاکونه لري چې د هغې له جملې څخه یې ۱۱ د مرکزګرمي په سیسټم سنبال دي او صرف په یو کې یې د هوا فلټر سیسټم نصب شوی دی . د ښارګوټي له څیښتن څخه ژمنه واخیستل شوه تر څو هغه بلاکونه چې مرکزګرمي لري د فلټر سیسټم پکې فعاله کړي او د نه نصبولو په صورت کې به یې مرکزګرمیانې بندې کړی شي. د یادونې وړ ده چې د ښار نورو ښارګوټو ته هم ورته هدایات شوي تر څو هغوی هم پورته کړنه تر سره کړي.
