د کابل ښاروالۍ مالي او اداري مرستیال ښاغلی سید رحمن جلال د نهمې ناحیې اوسېدونکو لخوا چې پکې د علماؤ شورا ، ځایي وکیلانو ، ښځو او ځوانانو شتون درلود ، وستایل شو. د کابل ښاروالۍ مالي او اداري مرستیال د یادې ناحیې اوسېدونکو سره په لیدنه کې د هغوی چاپېریالي ستونزې واورېدلې او ژمنه یې وکړه چې په راروانو پلانونو کې به ورته لومړیتوب ورکړي . هغه د نهمې ناحیې له اوسېدونکو ستاینلیک تر لاسه کړ او ویې ویل ! د خلکو لخوا همکاري او تشویق مونږ په خپلو کړنو کې لا ګړندي او ډاډه کوي تر څو یې خدمت وکړو .
