د ښاري نظم د رامنځته کېدو په موخه د ۱۳۹۸ د جدې پر لومړۍ نېټه د ښاري نظم د ټينګښت لپاره د ګرځنده پلورونکو او کراچیو د راټولولو او په لاررو کې د دوکانونو د مالونو او نورو خنډونو پاکاري وشوه، چې په پنځلسمه ناحیه کې په پنجصد فامیلي ساحه کې د سړکونو، پلو لارو او زرغونو سیمو د بندښت او د ښاري بې نظمۍ لامل شوي وو او په دې برخه کې تقویتي او ملاتړي پروګرامونه دوام لري. د دې ناحیې رییس انجینیرعبدالتواب احمدي په دې اړه وویل، چې په دغه ناحیه کې د ښاري نظم د ټینګښت په موخه ګرځنده پلورونکو او کراچیو ته مناسب ځایونه ټاکل شوي، څو ښاري نظم رامنځته شي او همدارنګه له ګرځنده پلورونکو سره په کارموندنه کې همکاري وشي. دغه راز د پاکو شوو ساحو څارنه او کنټرول به دوام ولري.
