د کمپنۍ (چهاردهي او پغمان شهیدانو) څلورلارې د اصلي خطونو د قیر اچونې کار بشپړ او د ترافیکو پر مخ پرانیستل شو او همدارنګه د دغه سړک د فرعي خطونو د جوړولو چارې هم روانې دي، چې د سړک په امتداد استنادي دیوالونه پکې شامل دي. دغه سړک د کابل ښار په لودیځ زون کې یو مهم سړک دی او د خپل ځانګړي موقعیت له امله خورا اقتصادي اهمیت لري، چې په جوړېدو به یې د سړکونو د ترافیکو په برخه کې د ستونزو پر حل سربېره د اړوندو ساحو تجارتي مرکزونو او د کابل لودیځو ګاونډیو ولایتونو ته هم زیاتې اسانتیاوې چمتو کوي.