کابل ښاروال پوهنیار احمد ذکي سرفراز نن په یو ناسته کې د ملي شورا د غړې فاطمې نظري په حضور یو ځل بیا په دیارلسمه ناحیه کې د څلوېښت متره عرفاني سړک تر استملاک لاندې کورونو د خاوندانو د حقونو د نه خوړل کېدو ډاډ ورکړ. په دې ناسته کې د دیارلسمې ناحیې اوسېدونکو په دغه ناحیه کې د ستونزو حل ته د کابل ښاروال له پاملرنې مننه وکړه او تر استملاک لاندې ملکیتونو د بدیلو د وېش به برخه کې یې خپلې اندیښنې څرګندې کړې. کابل ښاروال د دوی د اساسي او مهمو ستونزو د حل ژمنه وکړه او ویې ویل چې د دې ناحیې د نښلوونکو سړکونو او ځینو نورو اړوندو سړکونو کار ته موږ په پلان او پروګرام کې لومړیتوب ورکوو او د استملاکي اسنادو د پړاوونو له بشپړېدو او رامنځته شوو تخنیکي ستونزو له حل وروسته د کابل ښاروالۍ له لوري د عرفاني سړک تر استملاک لاندې ملکیتونو بدیله توزیع ژر پیلېږي.
