پوهنیار احمد ذکې سرفراز د سترې محکمې له قاضی القضات او رئیس قانونپوه سېد یوسف حلیم سره د قانوني ابهاماتو لرې کولو او همغږۍ لپاره کتل. د غونډې په جریان کې دواړو لورو د ودانیزو سرغړونو ، عوایدو راټولولو ، د غصب شویو ځمکو راستنولو او نورو ښاري سرغړونو په اړه د قانون په پلي کولو کې د کابل ښاروالۍ قانوني واکونو باندې خبرې وکړې. کابل ښاروال ښاري سرغړونې د اندېښنې وړ وبللې او د لویو سرغړونو د مخنیوي لپاره یې سترې محکمې همغږي وغوښته. په مقابل کې د سترې محکمې رئیس د همکاریو د دوام ژمنه وکړه او د ښاري نظم او سالمې جامعې حقوقو په ساتنه کې یې له کابل ښاروال څخه مننه وکړه او د ښار په مدیریت کولو کې د کابل ښاروالۍ ونډه مهمه وبلله او له هغه یې هرکلی وکړو. د سترې محکمې رئیس د ښاروالۍ واکونه په قانوني ډول ښاري نظم کې اغېزمن او پلي کوونکي وبلل.