کابل ښاروالۍ د واورې اورېدو په بهیر کې د سطحي اوبو د غوره مدیریت او د ځمکې لاندې اوبو د تغذیې د جذب په موخه هڅه کړې چې د سړکونو زیاته واوره د جذب وړ ساحو ته انتقال کړي. کابل ښاروالي له ټولو ښاریانو غوښتنه لري چې د ځمکې لاندې اوبو د پیاوړتیا او تغذیې په موخه د بامونو او د خپلو ملکیتونو د مقابلو سړکونو واوره زرغونو ساحو او د خپلو کورونو اړوندو ځایونو او یا نورو د جذب وړ ساحو کې زېرمه کړي؛ څو له یوې خوا د کابل ښار د ځمکې لاندې اوبه تقویه شي او بلې خوا د ښار د سړکونو او پلو لارو د یخ کېدو مخنیوی وکړي.
