کابل ښاروالۍ د وروستیو واورو اورېدو په تعقیب د وضعیت د کنټرول لپاره خپلې وروستۍ هڅې وکړې او له شته سرچینو څخه یې د رامنځته شوو ستونزو د حل لپاره د خوار زیاتې ګټې اخیستنې هڅه وکړه او دغه کار لا هم دوام ورکوي، چې په تېرو ۲۴ ساعتونو کې یې د ښار عمومي سړکونه له واورو پاک کړي او ریګ او مالګه یې ورباندې شیندلې ده. ارزونې ښيي چې د واورې کچه او له امله یې رامنځته شوې ستونزې په اوسنیو امکاناتو د کابل ښاروالۍ له توان څخه لوړې دي، نو د کابل ښاروالي د کابل له ټولو شریفو ښاریانو څخه غوښتنه کوي، چې په دغه مهمه چاره کې برخه واخلي او هر څوک د خپلو کورنو مخامخ سړکونه او فرعي کوڅې پاکې کړي. همدارنګه له خپلو ګرانو هېوادوالو څخه غوښتنه کوو چې د واورې اورېدو په پر مهال د امکان تر کچې د خپلو بامونو واوره عمومي او فرعي سړکونو ته راونه غورځوي، څو نورو ښاریانو د مزاحمت لامل نه شي او د ښاریانو د تګ راتګ ستونزې زیاتې نه کړي.
