د کابل د هوا وضعیت

الوتني

د كابل شرعي وختونه

د سهار آذان 5:12 ق-ظ
لمر راختل 6:38 ق-ظ
د ماسپښين آذان 12:35 ب-ظ
د مازديګر آذان 4:01 ب-ظ
د ماښام آذان 5:43 ب-ظ
د ماسختن اَذان 7:04 ب-ظ

د نن ورځي د اسعارو بيه

1 دالر 77.1371 افغانی
1 یورو 83.7673 افغانی
1 درهم 20.9788 افغانی
1 تومان 0.0059 افغانی
1 کلدار 0.4984 افغانی
1 هندی 1.0924 افغانی

د کابل ورځپاڼی

 ‏‎د ننګرهار ښار د نیالګیو په فارمونو کې د کابل ښاروالۍ د ۲۵ زره نیالګیو د روزنې کار روان دی.

21 جدی 1398

د کابل ښاروالۍ د مشرتابه د لارښوونې پر اساس د ننګرهار د کرنې له ریاست سره په همغږۍ د دغه بنسټ د سمسورتیا مسوولانو په یوه کاري سفر کې د نیالګیو اېښودلو موسم لپاره په دغه ښار کې د کابل ښاروالۍ د نیالګیو د روزنې په موخه پر مشخصو حللارو او تدابیرو بحث او خبرې وکړې. د کابل ښاروالۍ د سمسورتیا ریاست مرستیال رفیع الله رحمیزي په دې اړه څرګندوي چې د ښار د لا ښکلا او غوړېدنې او د نیالګیو اېښودو لپاره له څه مودې راهیسې د پغمان د نیالګیو د روزنې د فارم تر څنګ د جلال اباد ښار په جوی هفت ساحه کې د کابل ښاروالۍ په اړوند فارم کې د ۲۵ زره نیالګیو د روزنې کار روان دی. په دغو نیالګیو کې مورپان، چنار، ناجو، دیوار بید او ډول ډول ګلونه شامل دي چې په معیاري او مډرن ډول د ودې په حال کې دي. ټاکل شوې ده چې د نیالګیو اېښودلو په فصل کې په سړکونو، پارکونو، ګلدانونو، غونډيو او د ښار د ناحیو په نورو مهمو ځایونو کې کېښودل شي او د ښار د ښکلا او غوړېدنې لامل شي او له بلې خوا د سمسورتیا پراختیا، د هوا د ککړتیا د کموالي لامل هم کېږي.‎