کابل ښاروالي په ښار کې د وروستیو واورو په تعقیب د ښاریانو او ښاروالۍ تر منځ د فرهنګ د راژوندي کولو په موخه غواړي چې د خپلو بامونو او ملکیتونو په ځانګړې توګه د دوکانونو واوره سړکونو، کوڅو او پلو لارو ته راونه غورځوي؛ ځکه دا کار د سړکونو او کوڅو د لا زیات یخ کېدو لامل کېږي او نور ښاریان له ستونزو سره مخ کوي. دغه بنسټ د وضعیت د کنټرول لپاره خپله وروستۍ هڅه کړې او د ستونزو د حل لپاره یې له خپلو سرچینو اعظمي ګټه اخیستې ده او لا هم دغه کار ته دوام ورکوي، چې پر واورو پاکولو سربېره یې د ښار پر عمومي سړکونو رېګ شیندلی دی، څو د لارو د یخ کېدو مخه ونیسي. باید له یاده ونه باسو چې یو بل ته لاسونه ورکړو او د سړکونو او پلو لارو په پاکولو او واورو توږلو او د ښار په ابادۍ کې خپله اخلاقي او انساني وجیبه ادا کړو.
