د کابل ښاروالۍ، د چاپېریال ساتنې د ملي ادارې او د کابل ولایت امنیه قواماندانۍ ګډ پلاوي د کابل ښار د درېیمې او څلورمې ناحیې د سون سیستم څارنه وکړه. ګډ پلاوي د ښاریانو له لوري د تر لاسه شوو شکایتونو پر اساس، د ۲۴ محلونو د مرکز ګرمیو او سون سیستم د فعالیت چې حمامونه، ودانۍ، روغتونونه او رستورانتونه پکې شامل دي، څارنه وکړه؛ چې د یوه حمام، اتلسو ودانیو، یوه روغتون او یوه رستورانت څارنه وشوه، دوې ودانۍ وتړل شوې او د یولسو نورو محلونو له خاوندانو څخه د سون سیستم د معیاري کولو ژمنه واخیستل شوه او یولسو نورو محولونو له څارنې وروسته د خپلو مرکزګرمیو او سون سیستم اصلاح کړی دی. همدارنګه دغه څارنه دوام مومي او له سرغړوونکو سره قانوني او جدي چلند کېږي.
