د دولسمې ناحیې په مختلفو برخو کې د ګڼې ګوڼې د کمولو د مناسبو حللارو د عملي کولو په موخه تېره ورځ د ناقانونه غرفو د ټولولو، د پلو لارو د خنډونو د لرې کولو، د دوکانو په مخ کې د مالونو او ګرځنده کراچیو د ټولولو کار ترسره شو او ګرځنده پلورونکو او کراچیو د ستونزو د حل په موخه د ناحیې مسوولانو دوی په هغو ساحو کې تنظیم کړل چې د سړکونو د بندښت لامل نه شي، چې په پایله کې په هغه ناحیه کې مختلف مسیرونه پاک کړل شول. د یادونې وړ ده چې کابل ښاروالي د سړکونو ګڼې ګوڼې د کمولو په موخه د ګرځنده پلورونکو او کراچیو د پاکارۍ پروسه او دوی ته د ښار په نورو ساحو کې ټاکلی ځای مشخصول دوام لري، ترڅو کابل ښاریانو ته د ښاري ترافیکو اسانتیاوې چمتو شي.
