د جمهور رئیس په لارښوونه چې مېرمنو ته يې د ښاري خبرو برنامه کې وویل چې د ښځو ونډه باید په ښاري خدمتونو کې پیاوړی کړی شي.
د 1398 کال 21 د دلوې د دوشنبې په ورځ د ځایي ټاکنو په ترڅ کې د لومړي ځل لپاره د مېرمنو له ډلې څخه زهره ایوبي په دریمه ناحیه کارته سخي کې د ځایي وکېلې په توګه وټاکل شوه او په دنده یې پیل وکړو.
په دغه مراسمو کې د کابل ښاروالۍ د ښاري خدمتونو او چاپېریال ساتنې مرستیالې ډاکټر مهتاب عالمي ، د نوموړې ناحیې رئیس ، د مېرمنو شورا غړو او ځایي اوسېدونکو ګډون کړی وو .
په دې مراسمو کې د ښاروالۍ د ښاري خدمتونو مرستیالې وویل !
درنو خویندو او ورونو ! راځئ چې خپل ښار نظم او هوساینې ته راوړو او له مخکښو مېرمنو څخه چې په سختو شرایطو کې کار کوي ، ښاري ستونزې حل کوي او یا یې ونډه پکې اخیستې و ي، پرې وویاړو او مننه ترې وکړو او له هغوی سره انساني او اخلاقي همکاري وکړو.
د یادونې وړ ده چې د انتخاباتو له لارې د ځایي وکیل په توګه د مېرمنې ټاکل د کابل ښاروالې په تاریخ کې بې سارې ده.
