کابل ښاروالۍ د یوې شانداره غونډې په ترڅ کې د ښځونړیواله ورځ ونمانځله. په هغې نمانځغونډه کې چې له همدې امله د کابل ښاروالۍ په تالارکې جوړه شوې وه، کابل ښاروال پوهنیاراحمدذکي سرفراز، د کابل ښاروالۍ مرستیالانو، دمرکزي ادارو او ناحیوځني رییسانو او ښځینه کارکوونکو ګډون کړی وو.په غونډه کې کابل ښاروال د ښځو دنړیوالۍ ورځې په مناسبت د خپلې وینا په ترڅ کې، ښځو ته مبارکي ورکړه او وویل: زموږ دهیواد په تاریخ کې ښځې د درناوي وړ او په دیني، ټولنیزو او اخلاقي برخوکې د لوړمقام درلودونکې دي. د کابل ښاورالۍ مشرتابه پلاوي په نه ستړی کیدونکو هلوځلوسره، په دي دې بریالي شوي ترڅو ښځوته په رهبري، مدیریتي او خدماتي برخوکې کاري شرایط برابرکړي ترڅوښځې وکولای شي د نارینه وو ترڅنګ، دخپلې ټولنې د آبادۍ او ښاریانوته دښو خدمتونود وړاندې کولوجوګه شي. د کابل ښاروالۍ مشرتابه پلاوې ژمن دې ترڅوښځوته اقتصادي او کارموندنې شرایط برابرکړي او دوی ته په فردي اوټولنیزو برخوکې مصوونیت رامنځته شي. همدا راز کابل ښاروال وویل چې، موږ ډیرې برنامې لرو او غواړو چې ښځې د هغو په پلي کولو مثبت رول ولوبوي ځکه ښځې په خپل سلیقوي فکرسره کولای شي د کورنۍ له مدیریت سربیره، په لویو ښاري پریکړوکې برخه ولري. کابل ښاورال وویل: دښځو مقام ته د درناوي او دهغوې د کاراو بار د ښې ودې په موخه، په پام کې ده چې، په راتلونکې کال کې دکابل ښار په کچه مارکیټونه جوړشي. د غونډې په پاې کې د کابل ښاروالۍ د مشرتابه پلاوي له خوا ښځینه کارکوونکوته سوغاتونه ورکړل شول
