د کابل ښاروالۍ ابلاغیه
ګرانو ښاریانو!
په ټوله نړۍ کې د کرونا وېروس خپرېدل انسانانو ته یوه جدي روغتیایي ستونزه ده.
کرونا وېروس په تړلو او د ګڼې ګوڼې ځایونو کې ژر خپرېږي او ډېر خلک پرې اخته کېږي.
د دغه وېروس د وقایې او مخنیوي په موخه د عامه اړیکو دولتي کمېټې پرېکړه کړې چې د هوټلونو، د لامبو حوضونو، حمامونو او ورزشي کلپونو فعالیتونه او ټول هغه ځایونه چې خلک پکې راټولېږي، تر دویمې پرېکړې پورې بند کړل شي.
کابل ښاروالي د دغو اصنافو ټولو مالکانو ته خبر ورکوي چې د بلې ابلاغیې تر خپرېدو پورې د خپلو هېوادوالو د روغتیا ساتنې لپاره خپل فعالیتونه بند کړي.
د کابل ښاروالۍ مشرتابه مسوولانو ته لارښوونه کوي چې که دغه اصناف فعالیت وکړي، د کورنیو چارو محترم وزارت په همکارۍ به جدي چلند ورسره وکړي.
