د کرونا وېروس د وقایوي تدابیرو لپاره نن کابل ښاروالۍ د ښار ځینې نانوایۍ، قصابۍ، سلمانۍ او مختلف صنفونه چې چاپېريالي روغتيا ساتنه او روغتيايي معيارونه یې په پام کې نه نيول، بند کړل. نانواییو ته مخکې د کابل ښاروالۍ مسوولانو اړینې توصیې کړې وې. دا چې په نانواییو، قصابیو، سلمانیو او خوراکې پلورنځیو کې د کرونا وېروس د خپرېدو خطر احساسېږي، نو دغو محترمو اصنافو ته د خبرداري تر څنګ چې باید ټول روغتیایي موازین لکه دستکش، ماسک او د عفوني ضد موادو کارول په پام کې ونیسي، ترڅو د دوی خپلې او د هېوادوالو روغتیا ته رسېدنه وشي. له سرغړوونکو سره به قانوني چلند وشي او دغه صنفونه به د کابل ښاروالۍ د کارمندانو تر دویمې اطلاع پورې بند وي.
