د کابل ښاروال محمد داود سلطانزوی نن د کابل په ځینو برخو کې پر مستحقو کورنیو د غنمو د وېش لړۍ وڅارله. د کابل ښاروال په دې رابطه د دیني علماو، د جوماتونو له ملا امامانو، امنیتي مسوولانو، د کابل ښاروالۍ او ټول ذيدخله ادارو مستحقو ښاریانو ته د دې پروسې په جاري ساتلو کې د مرستې مننه وکړه. د یادونې ده چې د ولسمشر امر له مخې د کورونا له کبله د کابل د قرنطین له وجې زیانمنو شویو مستحقو کورنیو ته د مرستو رسولو لړۍ د کابل په ځینو ناحیو کې پیل شوې ده چې دا لړۍ به ټولو ناحیو ته وغځول شي.
