کابل ښاروال محمد داود سلطانزوی نن ماسپښین د افغانستان د کسبګرو خونې او هټۍوالو له مشر محمد حسن سپاهي او ځينو نورو مشرانو سره ولیدل او د ښار په اقتصاد، د ښاریانو د اړتیاوو په پوره کولو او له کرونا وېروس د مبارزې په برخه کې د کسبګرو د رول او د متقابلو همکاریو د ټينګښت په اړه بحث او خبرې وکړې. کابل ښاروال د دغه پاړکي د هر ډول ملاتړ ژمنه وکړه او هغه یې خپل لومړیتوب وګاڼه. په ورته وخت کې د افغانستان د کسبګرو خونې او هټۍوالو مشرتابه د کابل نوي ښاروال ته د مبارکۍ تر څنګ د کابل ښاروالۍ د پروګرامونو او ښاري نظم په اړه د کابل ښاروال ملاتړ اعلان کړ.
