کابل ښاروال محمد داود سلطانزوی نن د کابل ښاروالۍ له مالي او اداري مرستیال سید الرحمن جلان او تخنیکي او ساختماني مرستیال محمد صدیق صاحبزي سره په یوه رسمي ناسته کې د دغه بنسټ د ۱۳۹۹ مالي کال پراختیایي او پرمختیايي پلانونه وازول او د دغو پلانونو د بډاینې لپاره یې خپل نظرونه وړاندې کړل. کابل ښاروال د ښاري اړتیاوو پر اساس د پلانونو اجرا کېدل یو لومړیتوب وګاڼه، ترڅو ستونزې کمې شي او کابل ښاریان سوکاله ژوند ته لار ومومي. نوموړي د ابادۍ او ټولګټو پروژو عملي کېدل د ناحیو د متوازنې پرمختیا د اصل پر اساس یوه اړتیا وګڼله او ښاري تاسیساتو ته له ښاري خدمتونو څخه د لرې او محرومو ناحیو د اوسېدونکو لاسرسی یې د دوی ښاري حق او جدي اړتیا وګڼله
