کابل ښاروالۍ د ښاریانو د روغتیا او د چاپېریالي روغتیا ساتنې په پام کې نیولو په موخه د کرونا وېروس د مخنیوي لپاره د مختلفو اصنافو فعالیت کوونکو ته په دولسمه ناحیه کې په احمدشاه بابا مېنه او په څوارلسمه ناحیه کې په پغمان سیمه کې له ده پنبه څخه د قرغې بند تر ورودي دروازې پورې ساحو کې رستورانتونو، دوکانونو، نوشابه، برګر او چپس پلورنځيو ته خبرتیاوې ورکړې او بندې یې کړې او له سرغړوونکو سره یې قانوني چلند وکړ. د وقایې او کرونا وېروس د خپرېدو د مخنیوي په موخه روغتیايي معیارونو ته پاملرنه کول اړین دي، نو له دې امله د ښار اصنافو ته پوهاوی او خبرتیا ورکول کېږي.
