کابل ښاروالۍ د افغانستان د سوداګرۍ او صنایعو خونې په همکارۍ نن د وري په ۲۰مه د کرونا وېروس د وقایې او مخنیوي لپاره د لودیځ زون د مختلفو ساحو ضد عفوني کولو ته دوام ورکړ. کابل ښاروال محمد داوود سلطانزوید افغانستان د سوداګرۍ او پانګونې رییس توکل احمدیار، د افغانسان پانګوالو او د کابل ښاروالۍ مرستیالانو د دغه کار د څارنې لپاره ګډون کړی و. کابل ښاروال په دغه څارنه کې وویل: له کرونا وېروس سره مبارزه او د هغه د خپرېدا مخنيوی یوه حیاتي چاره ده؛ د ښار د ضد عفوني کولو په برخه کې یې هم د دغه بنسټ د فعاليتونو دوام روښانه کړ او له دغې خونې څخه د مننې تر څنګ یې د عفوني ضد توکو د چمتو کولو په برخه کې د سوداګرۍ خونې او خصوصي سکټور او ملي پانګوالو د همکارۍ غوښتنه وکړه، چې کابل ښاروالي د کرونا وېروس د مخنيوي او وقایې لپاره د ښار د زيانمنېدونکو ساحو ضد عفوني کولو ته دوام ورکوي.
