په دغه لیدنه کې کابل ښاروال د دولت د مرستندویو موادو په وېشلو کې پر روڼتیا پر ټینګار سربېره د ناحیو له رییسانو هیله وکړه، ترڅو مرستندوی توکي پر بېوزله او اړمنو کسانو په دقیق او عادلانه توګه ووېشل شي. کابل ښاروال څرګنده کړه چې د ناحیو رییسان پر خپلو دندو کې مکلف دي چې د ګذر وکیلانو او ملا امانو په همغږۍ چې په خپلو محلونو کې بېوزله او اړمن کسان مشخص کړي او مرستې ورباندې ووېشي، چې بېوزله کسان درې کټګورۍ کسان دي: بې سرپرسته کسان، معلولین او هغه کسان چې د ګرځبندیز له امله ډوډۍ نه شي پيدا کولی.
