بېساري هڅې به وکړو چې په کابل ښاروالۍ کې د رهبرۍ او مدیریت په کچه زیاتو ښځو ته د کار زمینه مساعده شي، ترڅو ښځې له خپلو وروڼو سره اوږه په اوږه د سوکالۍ او ابادۍ لپاره هڅه او کابل ښاریانو ته خدمت وکړي کابل ښاروال محمد داود سلطانزوی نن د ښار د ناحیو له مرستیالانو سره چې د دغه بنسټ د رهبرۍ او جندر غړو هم حضور درلود، د ښاري نظم د ټڼیګښت په ځانګړې توګه د ناقانونه ودانیو جوړولو، تنظیفي مسایلو، ګرځندنده پلورونکو د تنظیم، له ښاري تاسیساتو څخه د ګټې اخیستنې په څرنګوالي کې د کورنیو د رول د پياوړي کېدو، د سمسورتیا ساتنې او پراختیا او په ټولنیز ژوند کې د ښاري قوانینو د پلي کولو په اړه بحث وکړ.کابل ښاروال وویل: زموږ د بنسټ مشرتابه به ژر تر ژره ښځینه پاړکي ته د اقتصادي ودې او کارموندنې لار هواره کړي او په دغه بنسټ کې به د ښځو فردي او ټولنیز خوندیتوب هم ټینګ شي او ګڼ پروګرامونه لرو، ترڅو په ښاري مدیریت کې د ښځو رول پياوړی کړو، ځکه ښځې په مثبت فکري لیدلوري او سلیقې په کورنیو کې پر مدیریت سربېره په ښاري نظام کې هم اغېزمن رول لوبولی شي او د ښځو د طرحو او نظریاتو غوښتنه یې وکړه، ترڅو په راتلونکي کې اعظمي ګټه ترې واخیستل شي.
