په اومه ناحیه کې د پډولې سړک د کابل ښار یو مهم او پراختیايي سړک دی. د دغه اصلي سړک د اساسي ساختمان کار له چهلستون قصر څخه پيل له نهه برجه ساحې څخه تېرېږي او د پډولې پر پروژه پای مومي؛ اوږدوالی یې ۲.۷ کیلو متره او سور یې ۳۰ متره دی، په یوه کال کې بشپړ او ګټې اخیستنې ته چمتو شو، چې د ښار لرې ساحې یې له مرکز سره ونښلولې. په لوړ کیفیت د دې پروژې د پلي کولو لپاره د کابل ښاروالۍ د پلان او پروژو ریاست مسلکي انجینیرانو په دوامداره توګه د پروژې د تطبیق د مختلفو پړاونو څارنه کړې ده.
