په دې ناسته کې نن کابل ښاروال محمد داود سلطانزوی اړمنو ته د مرستو د وېش په اړه، چې ټاکل شوې د دولت له لوري اجرا شي، په ښار کې په ټولنيزو مسايلو کې د ښځو شوراګانو رول مهم وګاڼه او زیاته یې کړه: د ښځو د شوراګانو په همکارۍ به په هر ګذر کې د اړمنو او بېوزلو کسانو په دقیق شناخت د مرستو د وېش بهیر شفاف وي. کابل ښاروال زیاته کړه: په اوسنیو شرایطو کې زموږ ډېری خلک د کرنتین له امله له يوې ګولې ډوډۍ پیدا کولو محروم دي، چې باید د مرستو له بهيره ګټه واخلي. کابل ښاروال پر مستحقینو او بېوزلو کسانو د مرستو د وېش په بهیر کې د ښځو شوراګانو همکاري وغوښته، چې د دوی له لوري د همکارۍ ژمنه ورکړل شوه؛ ترڅو په اوسنیو شرایطو کې څنګه چې لازمه ده، هغسې له اړمنو سره مرسته وشي.
