د کابل ښاروال محمد داود سلطانزوی نن ورځ په ښار کې د خوراکي توکو نرخونه او د روغتیایي سپارښتنو رعایتول کنټرول کړل. کابل ښاروال د سړک غاړې پلورونکو او لاسګاډو د کار و فعالیت د نظم په اړه اړوندو څانګو ته لازمې لارښوونې وکړې چې بنسټیزې برنامې جوړې او پلې کړي. په ښار کې د ګرځبندیز له مخې یې، د لومړنیو خوراکي توکو له ټولو پلورنکو څخه غوښتنه وکړه چې له کورونا څخه د ځانساتنې په موخه د ځان او پېرونکو تر منځ لازم واټن او روغتیایي سپارښتنې په جدي توګه مراعات کړي. د لومړنیو خوراکي توکو د خرڅلاو په برخه کې چې را واردولو کې هېڅ محدودیت نه شته او په نورماله توګه هېواد ته را واردېږي، انصاف وکړي.
