د ګرځبندیز په ورځو کې د ښاریانو ستونزو د حلولو په موخه نن د غوايي په ۱۱مه کابل ښاروال محمد داود سلطانزوی د کابل ښاروالۍ د خدمتونو مرکز ۱۵۵ شمېرې د فعالیت څارنه وکړه. کابل ښاروال د څارنې په جریان کې مسوولانو ته وویل: زموږ له نظره خبر رسول او اطلاعاتو ته لاسرسی په هر ډول شرایطو کې مهم دی او په ځانګړې توکه د کرونا په بیړني حالت کې د مسوولانو هڅه وهاند غواړم، چې د ښاریانو د اړیکې له لارې د ښار د اصنافو له سرغړوونو څخه تر لاسه شوو شکایاتو ته پر وخت رسېدنه وشي. کابل ښاروال د کابل ښاروالۍ د خدمتونو مرکز ۱۵۵ شمېرې د تخنیکي او بشري سرچینو د ستونزو په رفع کولو کې اړوندو برخو ته ځينې لارښوونې وکړې، ترڅو د ښاریانو اړیکې لاښې ټينګې شي او له بلې خوا مسوولان نورو ښاري ستونزو ته لازمه رسېدنه وکړي.
