کابل ښاروال محمد داود سلطانزوی د مدني ټولنې له ځينو غړو سره د ښاري ستونزو د حل په ځانګړې توکه د پخې ډوډۍ د وېش لپاره د واحد میکانیزم د رامنځته کولو لپاره بحث او خبرې وکړې. کابل ښاروال د شوراګانو د همغږۍ په برخه کې چې په هر ګذر او ناحيه کې جوړې شوې دي او په ترکیب کې يې د علماوو، وکیلانو او ښځو شوراګانو، ځايي متنفذینو او د مدني ټولنې یو یو استازی شامل دی هم تمرکز وکړ او ويې ویل: شورا دا دندې لري: نانواییو ته د اوړو له تسليمۍ وروسته د اوړو پلورونکو ټولنې د بېلونو او هغو مستحقینو تصدیق چې هره ورځ ډوډۍ ترلاسه کوي، له نظارتي ګروپونو سره همکاري، د کارت مطابق د ډوډۍ له وېش څخه ډاډ ترلاسه کول، د ناحيې کاري ګروپونو ته د سرغړونې خبر ورکول او په هره اونۍ کې نظارتي ګروپونو ته راپور ورکول. ترڅو د ډوډۍ د وېش بهیر شفاف او نانوایان چاپېريالي روغتیا ساتنې ته پام وکړي. د مدني ټولنې غړو اړمنو ته وچې ډوډۍ د وېش لپاره د میکانیزم د رامنځته کولو په برخه کې د خپلو وړانديزونو او نظرونو د وړاندې کولو تر څنګ د لا زياتې همکارۍ ژمنه هم وکړه.
