کابل ښاروال محمد داود سلطانزوی نن په خپل کاري دفتر کې د پولي تخنیک پوهنتون له رییس پوهنوال محمد سعید ''کاکړ'' او ځينو استادانو سره د ښاري پلانونو او پروګرامونو د تطبیق په اړه بحث او خبرې وکړې. د پوهنتون استادانو د کابل ښاروالۍ د پروګرامونو د هرکلي تر څنګ په کابل ښار کې د معياري ساختماني چارو، غوره سمسورتيا او زرغونتیا لپاره د تجربو د انتقال او د کابل ښاروالۍ د کارکوونکو د کاري ظرفيت د لوړولو او محصلینو ته په مسلکي څېړنو او ښاري نظم د ټينګښت په برخه کې په رول ورکولو د خپل چمتووالي ژمنه وکړه.
