کابل ښاروال محمد داود سلطانزوی د کابل ښاروالۍ د مالي او اداري مرستیال سیدالرحمن جلال په حضور نن د غوايي په ۱۴مه د مدني ټولنو له غړو سره د لیدنو په لړۍ کې وویل چې د مدني ټولنې غړي د ښاري ستونزو په تشخیص او حل کې په ځانګړې توګه اوسمهال پر اړمنو د وچې ډوډۍ د وېش په څارنه کې مهم رول لوبولی شي؛ ځکه د مدني ټولنې غړي په ښارونو کې د وړتياوو پټې زېرمې ګنل کېږي، مدني ټولنه په خپل جوړوونکي ليدلوري د ټولنې مسوولانو او ښاریانو ته لوری ورکولی شي. د مدني ټولنې غړو اړمنو ته وچې ډوډۍ د وېش لپاره د میکانیزم د رامنځته کولو په برخه کې د خپلو وړانديزونو او نظرونو د وړاندې کولو تر څنګ د لا زياتې همکارۍ ژمنه هم وکړه
