کابل ښاروالۍ د تګ او راتګ د اسانتیا د رامنځته کولو او د دغه ښار د اقتصادي او ټولنیزې ودې په موخه په ۱۶مه ناحیه کې په قلعه زمان خان مسیر کې د شینه پله اساسي ساختمان کار پیل کړی، چې تر اوسه یې ٪۴۵ کار مخ ته تللی دی. د دغه پله اوږدوالی ۳۹ متره او سور یې ۲۸.۴ متره دی، چې پر کابل سیند په پاخه او اساسي ډول تړل کېږي. نظر نوي ډيزاین ته د دغه پله ظرفیت او محدودیت د سیمې اړتیاوو او اقتصادي دهلیز ته ځوابویونکی ډيزاین او مطالعه شوی، چې په بشپړېدو به یې د ترافیکو د جریان پر تنظیم او د اړوندو سیمو پر نښلولو سربېره ځايي اوسېدونکو او ګاونډیو ساحو ته د چاپېریال ساتنې بې شمېره اسانتیاوې چمتو شي.
