د دغه سړک د ساختمان کار چې د کابل ښاروالۍ د کار، ساتنې او مراقبت عمومي ریاست له لوري پر مخ ځي، د یخنۍ موسم له امله درول شوی و، اوس بیا پیل شو، سور یې ۶۰ متره او په څلورو خطونو کې جوړېږې، چې د سړک د غاړې ویالې او د یوه معیاري سړک ټول جزیات پکې شامل دي. په تېر کال کې يې د منځنیو خطونو کار بشپړ او قیر ورباندې واچول شول. اوس یې د جدولونو او د فرعي خطونو د لانديني ساختمان کار دوام لري، چې د سړک په امتداد استنادي دیوالونه پکې شامل دي دغه سړک د کابل ښار په لودیځ زون کې یو مهم سړک دی او د خپل ځانګړي موقعیت له امله خورا اقتصادي اهمیت لري، چې په جوړېدو به یې د سړکونو د ترافیکو په برخه کې د ستونزو پر حل سربېره د اړوندو ساحو تجارتي مرکزونو او د کابل لودیځو ګاونډیو ولایتونو ته هم زیاتې اسانتیاوې چمتو کوي.
