په تېره یوه اونۍ کې په ۲۲ ناحیو کې پراخ تنظیفي عملیات تر سره کړل شول، چې په پایله کې یې تر ۶۱۰۷ ټنه زیات کثافات راټول او له ښاره بهر انتقال کړل شول. کابل ښاروالي له چمتو شوو پلانونو سره سم د ښار د کثافاتو د راټولولو او انتقال پر ورځنیو کارونو سربېره هره اونۍ په دوو ناحیو کې پراخ تنظیفي عملیات ترسره کوي، ترڅو د مختلفو دلایلو له امله تنظیفي وروستهوالی جبران کړي. کابل ښاروالي د کابل ښار د تولیدي کثافاتو د غوره مدیریت لپاره هڅه کوي چې د ورځې ۱۷۰۰ متریک ټنو کثافاتو راټولول او انتقال تر ۲۰۰۰ متریک ټن پورې ورسوي. د دغه بنسټ تنظیفي پرسونل له هغې ژمنې سره چې د ښاریانو د روغتیا او سلامتۍ لپاره یې لري، زیات زیار ګالي، نو له دې امله تمه کېږي چې د کثافاتو له شنیدلو څخه جدي ډډه وکړئ.
