د کابل ښاروال محمد داود سلطانزوی په ریاست او د کابل امنیې قوماندان برید جنرال امان الله واحدي، د ناحیو رییسانو او د ترافیکو د عمومي مدیر خان محمد شینواري په حضور د ښاري مدیریت د همکارۍ او همغږۍ د میکانیزمونو پر پياوړتیا په ځانګړې توګه د ګرځنده پلورونکو، له خنډونو څخه د پلو لارو او سړکونو د پاکولو د تقویتي او ملاتړو پروګرامونو او د ګڼېګوڼې د نورو پروګرامونو پر عملي کېدو بحث وشو. کابل ښاروال د کابل ښار د ګڼېګوڼې د کمولو په برخه کې د ګواښونو په اړه وویل: د کابل ښار د ګڼېګوڼې د لاملونو له جملې د ګرځنده پلورونکو شتون، د پلو لارو بندښت او د سړکونو او پلو لارو د ترافیکو جریان د پاک ساتلو لپاره د اغېزمنو نظارتي لاروچارو نشت دی او له دې ناستې چې کومه پایله په لاس راغله، روښانه شوه چې که مسوولان سمه همکاري او همغږي وکړي، کابل ښار به د یوه ښه او تلپاتې نظم خاوند شي او د پلانونو او پروګرامونو په تعقیب به په نږدې راتلونکي کې زموږ ښاریان د غوره ښاري نظم د ټینګښت شاهدان وي، چې په دې اړه اړین تصمیمونه هم ونیول شول
