په دې ناسته کې د کابل ښاروالۍ د کورنیو او اداري پریکړو ترڅنګ، لاندینې پریکړې هم وشوې:
-د ودانیو د جواز د صادریدو د طرزالعمل یا کړنچارې تصویب
-په ناپلان شویو سمیو کې د لنډمهاله ودانیو د جواز د صادریدو کړنچاره یا طرزالعمل چې د قوانینو د بیا کتنې د کمیټې او د حقوقي چارو د ریاست د بیا کتنې وروسته، اداري مجلس ته وسپارل شي.
-د ثبت او عوایدو راټولولو، داخلي مساحت او د نانوایانو ترمنځ د واټن طرزالعمل یا کړنچاره جوړه او راتلونکي اداري مجلس ته وسپارل شي.
-د کابل ښاروالۍ او د کابل زون د اوبو رسولو د محترمې ادارې ترمنځ هوکړه لیک په پرنسیپ کې تایید دی او باید د کابل ښاروالۍ د پلان جوړونې او ښاري ودې د مرستیال او یوې تخنیکي ډلې تر نظر لاندې د پروژې مالي اړخونه او سیمه ییز انکشاف وڅیړل شي ترڅو اصولي اجراات وشي.
-له کتاب پلورونکو او ګل پلورونکو د جوی شیر سیمې د پاکولو اړوند، د ټولنیزو او کلتوري چارو محترم معینیت دا موضوع وڅیړي او د طرحه شوې سکیچ له مخې اجراات وشي.
همداراز د رسنیو د شهیدانو د څلې شاوخوا پاکه او زرغون چاپیریال یې بیا ورغیږي.
