د شپږمې، شپاړسمې او دوه ویشتمې ناحيې رییسانو او د ګذر وکیلانو د کابل ښاروالۍ کړنې وستایلې او د کابل ښاروالۍ له پروګرامونو يې ملاتړ اعلان کړ.
د کابل ښاروالۍ د کړنو ملاتړ او مننې په پروګرام کې د کابل ښار د ناحيو پر ستونزو، ښاري نظم او نورو موضوعاتو بحث وشو.
کابل ښاروال محمد داود سلطانزوی وویل چې موخه يې کابل ښاريانو ته خدمت دی.
نوموړي زیاته کړه، څوک چې د خلکو په خدمت کې وي، باید تشریفات ونه لري.
کابل ښاروال وویل چې په کابل ښاروالۍ کې د کابل ښار د وضعیت د ښهوالي لپاره پرمختيایي پروګرامونه شته دي او له خلکو سره په همغږۍ به پلي شي.
